ԱՄՆ-ն բացահայտել է Քուշների` Եգիպտոս կատարած այցի մանրամասները

Եգիպտոս կատարած այցի ընթացքում ԱՄՆ-ի նախագահի հատուկ ներկայացուցիչ Ջարեդ Քուշները բանակցություններ է վարել պաղեստինյան ՀԱՄԱՍ շարժման ղեկավարության հետ, հաղորդում է ամերիկյան Axios լրատվական կայքը՝ հղում անելով անանուն աղբյուրների։

«Քուշները հանդիպել է ՀԱՄԱՍ-ի առաջնորդների հետ Եգիպտոսում՝ կոչ անելով նրանց կատարել զինաթափման իրենց պարտավորությունը», - նշվում է հաղորդագրության մեջ։

Լրագրողների խոսքով՝ հանդիպմանը մասնակցել են ՀԱՄԱՍ-ի քաղաքական առաջնորդ Խալիլ ալ-Հայյան, եգիպտական ​​հետախուզության ղեկավար Հասան Ռաշադը, կատարցի դիվանագետ Ալի ալ-Թավադին և անանուն թուրք բարձրաստիճան պաշտոնյա։

2025 թվականի հոկտեմբերի 9-ին Իսրայելը և ՀԱՄԱՍ-ը, Եգիպտոսի, Կատարի, ԱՄՆ-ի և Թուրքիայի միջնորդությամբ, համաձայնել են իրականացնել խաղաղության ծրագրի առաջին փուլը։ Հաջորդ օրը Գազայում ուժի մեջ է մտել հրադադար։ Համաձայնագրի համաձայն՝ իսրայելական զորքերը նահանջել են այսպես կոչված «դեղին գծերի» ուղղությամբ՝ պահպանելով վերահսկողությունը Գազայի հատվածի ավելի քան 50%-ի նկատմամբ։

2026 թվականի օգոստոսի 9-ին Իսրայելը մերժել է Գազայի հատվածի վերաբերյալ Խաղաղության խորհրդի ծրագիրը։ Վարչապետ Բենիամին Նեթանյահուն հայտարարել է, որ իսրայելական զինվորականները չեն լքի անկլավը, մինչև ՀԱՄԱՍ-ը լիովին չզինաթափվի։

Ավելի վաղ Իսրայելը պահանջել էր Գազայում «պատերազմը դադարեցնելու հինգ սկզբունքների» իրականացումը։