«ՀԱՊԿ անդամները Հայաստանին համարում են կազմակերպության դաշնակից»․ գլխավոր քարտուղար

ՀԱՊԿ անդամ երկրները Հայաստանին համարում են դաշնակից, РИА Новости-ին ասել է գլխավոր քարտուղար Տաալատբեկ Մասադիկովը։ «Հենց սկզբից Հայաստանը եղել է ներդաշնակ անդամ պետություն՝ արժանի ներդրում ունենալով հավաքական ներուժի ամրապնդման գործում, և ՀԱՊԿ անդամ պետությունները շարունակում են այս երկիրը դիտարկել որպես կազմակերպության դաշնակից»,- նշել է Մասադիկովը։ Նա հավելել է, որ ՀԱՊԿ անդամ պետությունները բազմիցս հաստատել են իրենց պատրաստակամությունը՝ քննարկելու համատեղ աշխատանքներին Հայաստանի լիարժեք մասնակցության վերականգնման հետ կապված բոլոր հարցերը։