Նեթանյահուն Մեծ Բրիտանիան անվանել է «Բրիտանիայի Իսլամական Հանրապետություն»

Իսրայելի վարչապետ Բենիամին Նեթանյահուն Միացյալ Թագավորությունն անվանել է «Մեծ Բրիտանիայի Իսլամական Հանրապետություն»։ Այս հայտարարությունն արվել է Իսրայելի բանակային ռադիոյին տված հարցազրույցում, հաղորդում է The Guardian-ը։

Նեթանյահուն համեմատել է Մեծ Բրիտանիայի անցյալի և ներկայի վերաբերմունքը Իսրայելի նկատմամբ։ Նա գովաբանել է բրիտանացի լրագրող Ռենդոլֆ Չերչիլին՝ Մեծ Բրիտանիայի նախկին վարչապետ Ուինսթոն Չերչիլի որդուն, 20-րդ դարի երկրորդ կեսին Իսրայելի գործերի լուսաբանման համար։ Նեթանյահուն առաջարկել է համեմատել իր դիրքորոշումը ժամանակակից Բրիտանիայի դիրքորոշման հետ. «Փնտրեք այն այսօրվա Բրիտանիայում, այն երկրում, որը կոչվում է Մեծ Բրիտանիայի Իսլամական Հանրապետություն»։

Լրագրողի հարցին, թե արդյոք նա կարծում է, որ ամբողջ Եվրոպան շարժվում է նույն ուղղությամբ, Նեթանյահուն դրական է պատասխանել։