Իրանը մտադիր է պահպանել Հորմուզի նեղուցի շրջափակումը

Իրանի Գերագույն ազգային անվտանգության խորհրդի քարտուղար Մոհսեն Ռեզաեին հայտարարել է, որ ԱՄՆ-ն պետք է փոխի իր վարքագիծը և ընդունի Իրանի պայմանները, հակառակ դեպքում Հորմուզի նեղուցը կմնա փակ։
Իրանցի պաշտոնյան ԱՄՆ-ին անվանել է անկայունության աղբյուր Պարսից ծոցում, Օմանի ծոցում և Հորմուզի նեղուցում։ Նա պնդել է, որ ԱՄՆ-ն անօրինական պատերազմ է սկսել, որը վտանգի է ենթարկել ամբողջ տարածաշրջանը։

Իրանի արտաքին գործերի նախարար Աբբաս Արաղչին նախկինում հայտարարել էր, որ Օմանի հետ նեղուցում նավարկության վերաբերյալ բանակցությունները մոտենում են ավարտին։ Նա ընդգծել է, որ գործարքը ավտոմատ կերպով չի վերսկսի նավագնացությունը. ԱՄՆ-ն նախ պետք է կատարի Իրանի պայմանները։ Օգոստոսի 8-ին հրապարակված ցուցակում Իրանի անվտանգության խորհուրդը պահանջել է, որ ԱՄՆ-ն վերացնի պատժամիջոցները և ծովային շրջափակումը, ապասառեցնի ակտիվները, փոխհատուցի վնասները, դադարեցնի սպառնալիքները և ավարտի պատերազմը Իրանի և նրա դաշնակիցների դեմ։