Իսրայելական բանակը Լիբանանի հարավում կիրառել է հրկիզող զենքեր

Իսրայելական բանակը կիրակի օրը մի շարք հարվածներ է հասցրել Լիբանանի հարավում գտնվող բնակելի թաղամասերին՝ օգտագործելով հրկիզող զենքեր, որոնք խոշոր հրդեհներ են առաջացրել, ՌԻԱ Նովոստիին հայտնել է լիբանանյան ռազմական աղբյուրը։

«Իսրայելական ավիացիան հարվածել է Էլ-Մանսուրի գյուղին, իսկ հրետանին ծանր արկերով կրակ է բացել Ալի ալ-Թահեր բարձունքների, Զուտարի և Մեյֆդունի միջև ընկած տարածքի և հարավային Լիբանանի Էլ-Մանսուրի հողերի վրա», - ասել է գործակալության աղբյուրը։

Աղբյուրը հավելել է, որ իսրայելական անօդաչու թռչող սարքը հրկիզող զինամթերք է նետել, ինչի հետևանքով հրդեհ է բռնկվել, որը մեծ քանակությամբ այգիներ և լեռնային տարածքներ է այրել Արևմտյան Բեքայում՝ Նիհայից մինչև Քֆարհունա: Մեկ այլ անօդաչու թռչող սարք, ըստ նրա, պայթուցիկ նյութեր է նետել Ալի ալ-Թահեր բլրի մոտ: