«Իսրայելի հարձակումները Գազայի հատվածում ցույց են տալիս, որ Իսրայելը խաղաղություն չի ցանկանում»․ Ֆիդան

Իսրայելի կողմից Գազայի հատվածում հարձակումների շարունակումը ցույց է տալիս, որ նա չի ցանկանում խաղաղություն տարածաշրջանում։ Այս մասին հայտարարել է Թուրքիայի ԱԳ նախարար Հաքան Ֆիդանը՝ Անկարայում իր սիրիացի գործընկեր Ասաադ աշ Շեյբանիի հետ բանակցություններից հետո։

«Իսրայելի կողմից հարձակումների շարունակումը, չնայած Գազայի վերաբերյալ խաղաղության ծրագրի շրջանակներում ձեռք բերված պայմանավորվածություններին, ևս մեկ անգամ ցույց տվեց, որ Բենյամին Նեթանյահուն խաղաղություն չի ցանկանում։ Իսրայելի կառավարությունը ձգտում է խափանել խաղաղ ջանքերը և Գազան վերածել առանց պաղեստինցիների վայրի։ Նեթանյահուն, սակայն, հաջողության չի հասնի իր քաղաքականության մեջ։ Գազայի բնակիչները կշարունակեն ապրել Գազայում և կառուցել իրենց ապագան», - ասել է նա։