«Ուկրաինան հարվածել է Բաշկորտոստանում և Յարոսլավլի մարզում գտնվող նավթավերամշակման գործարաններին»․ Զելենսկի

Ուկրաինայի պաշտպանության ուժերը հարվածներ են հասցրել ռուսական երկու նավթավերամշակման գործարանների, հայտնել է Ուկրաինայի նախագահ Վլադիմիր Զելենսկին։

«Ուկրաինայի պաշտպանության ուժերը հարվածներ են հասցրել ագրեսորի օբյեկտներին՝ ռազմաճակատի գծից ավելի քան 1300 կիլոմետր հեռավորության վրա։ Բաշկորտոստանում խոցվել է «Բաշնեֆթ-Նովօյլ» նավթավերամշակման գործարանը։ Յարոսլավլի մարզում՝ մեր սահմանից գրեթե 700 կիլոմետր հեռավորության վրա, խոցվել է «Սլավնեֆթ-ՅԱՆՈՍ» նավթավերամշակման գործարանը», - X-ի իր էջում գրել է Զելենսկին։

«Հաջող են եղել նաև Սև ծովի ջրային տարածքում ռուսական ագրեսիայի դեմ մեր պատասխան հարվածները։ Մասնավորապես՝ խոցվել են երկու ռազմական պարեկային նավակներ և «ստվերային նավատորմի» նավեր», - հայտնել է նա։