«Իրանն արդեն չի կարող միջուկային զենք ստեղծել, և դա պաշտոնապես կամրագրվի»․ Թրամփ

ԱՄՆ նախագահ Դոնալդ Թրամփը հայտարարել է, որ Իրանն այլևս զրկված է միջուկային զենք ստեղծելու հնարավորությունից։ «Իրանը երբեք միջուկային զենք չի ունենա։ Նրանք արդեն իսկ չեն կարող այն ստեղծել, սակայն դա դեռ պաշտոնապես կձևակերպվի»,- ասել է Թրամփը՝ Fox News հեռուստաալիքին տված հարցազրույցում։

Թրամփը կիրակի հայտարարել էր, որ չեղարկել է Իրանի դեմ նախատեսված հարվածները՝ կարգավորման շուրջ ձևավորվող համաձայնության ֆոնին։ Այդ համաձայնության հիմնական դրույթները ներառում են Հորմուզի նեղուցի վերաբացումը և Իրանի միջուկային ծրագրի վերաբերյալ պայմանավորվածությունները։