«Գրեթե բոլոր միգրանտները վերադարձել են Մարոկկո»․ Իսպանիայի ԱԳՆ

Գրեթե բոլոր անօրինական միգրանտները, որոնք հայտնվել էին Սեուտա ինքնավար քաղաքում, արդեն վերադարձել են Մարոկկո։ Այս մասին նշվում է Իսպանիայի արտաքին գործերի նախարարության մամուլի հաղորդագրության մեջ։

Նշվում է, որ Իսպանիա անօրինական մուտքը Սեուտա կամ Մելիլյա ինքնավար քաղաքների միջոցով իրավունք չի տալիս մնալ երկրում, մեկնել թագավորության մայրցամաքային հատված կամ ազատ տեղաշարժվել Եվրոպայում։ Նախարարությունում նաև հիշեցրել են, որ անկլավ-քաղաքներում գործում է սահմանային վերահսկողության երկակի համակարգ․ փաստաթղթերի առաջին ստուգումն իրականացվում է Մարոկկոյի հետ սահմանին, իսկ երկրորդը՝ Իսպանիայի մայրցամաքային հատված մուտք գործելիս։

Հուլիսի վերջին Հյուսիսային Աֆրիկայում գտնվող և Մարոկկոյի հետ սահմանակից իսպանական ինքնավար Սեուտա քաղաքը բախվել է միգրանտների զանգվածային հոսքի։ Քաղաքի քաղաքապետ-նախագահ Խուան Խեսուս Վիվասն ավելի վաղ հայտարարել էր, որ մեկ օրվա ընթացքում մոտ 60 հազար մարդ է մտել Սեուտա։