Իտալիայում զբոսաշրջային ավտոբուսի վթարի հետևանքով կան զոհեր և վիրավորներ

Իտալիայում՝ Տերնի-Ռիետի ավտոմայրուղու վրա, զբոսաշրջային ավտոբուսի մասնակցությամբ ճանապարհատրանսպորտային խոշոր պատահար է տեղի ունեցել։ Վթարի հետևանքով զոհվել է վեց մարդ, ևս 34 մարդ ստացել է տարբեր աստիճանի վնասվածքներ։

Rai News-ի հաղորդմամբ՝ ավտոբուսը ճակատային բախում է ունեցել հանդիպակաց ուղղությամբ ընթացող բեռնատարի հետ։ Բախմանը մասնակցել է նաև երեք մարդատար ավտոմեքենա։ Դրանցից մեկը շրջվել է։

Վթարի պատճառները պարզվում են։