Պակիստանն ու Կատարը ներկայացուցիչներ կուղարկեն ԱՄՆ-Իրան սպասվող բանակցություններին

Պակիստանն ու Կատարը բանագնացներ կուղարկեն՝ ԱՄՆ-ի և Իրանի միջև բանակցությունները կազմակերպելու նպատակով, հայտնում է Al Jazeera-ն։

«Պակիստանի ներքին գործերի նախարարը և Կատարի ներկայացուցիչները բանագնացներ կուղարկեն, որպեսզի այդ բանակցությունները հնարավորինս շուտ կայանան»,- հեռուստաալիքը մեջբերում է իր աղբյուրներին։

Լրատվամիջոցը նշում է, որ ԱՄՆ-ի և Իրանի բանակցությունները, ինչպես սպասվում է, կլինեն անուղղակի, իսկ միջնորդների դերում հանդես կգան Կատարն ու Պակիստանը։

Ավելի վաղ Իրանի խորհրդարանի ազգային անվտանգության և արտաքին քաղաքականության հանձնաժողովի ներկայացուցիչ Հասան Ղաշղավին SNN-ին տված հարցազրույցում հայտնել է, որ Իրանի և ԱՄՆ-ի միջև բանակցությունների միջնորդները փորձում են վերակենդանացնել հունիսյան փոխըմբռնման հուշագիրը։

Ավելի վաղ ԱՄՆ նախագահ Դոնալդ Թրամփը հայտարարել էր, որ առայժմ հրաժարվել է Իրանի դեմ լայնածավալ հարվածներ իրականացնելուց՝ ցանկանալով փորձել իր նպատակներին հասնել արագ և խաղաղ միջոցներով։ Ավելի ուշ նա ասել էր, որ ԱՄՆ-ի և Իրանի միջև բանակցությունները կսկսվեն այսօր։