«Մակրոնը պատրաստ է օգնել Իսպանիային` Սեուտայում միգրացիոն ճգնաժամի կարգավորման հարցում»․ #BFMTV

Ֆրանսիան պատրաստ է օգնել Իսպանիային Սեուտա ինքնավար քաղաքում անօրինական միգրանտների հոսքի հետ կապված խնդիրների լուծման հարցում, հաղորդում է BFMTV-ն՝ հղում կատարելով նախագահ Էմանուել Մակրոնին մոտ կանգնած աղբյուրին։

«Նախագահն ընդգծել է, որ Ֆրանսիան պատրաստ է Իսպանիայի իշխանություններին ցուցաբերել անհրաժեշտ աջակցությունը, եթե նրանք նման խնդրանքով դիմեն, այդ թվում՝ Frontex գործակալության միջոցով», — հեռուստաալիքը մեջբերում է աղբյուրի խոսքերը։

Բացի այդ, պետության ղեկավարը ՆԳ նախարարությանը հանձնարարել է ձեռնարկել բոլոր անհրաժեշտ միջոցները՝ Իսպանիայի հետ սահմանին վերահսկողությունն ուժեղացնելու համար։ «Իսպանիայի և Մարոկկոյի իշխանությունների հետ շփումները շարունակվում են՝ իրավիճակին մանրամասն հետևելու և տարբեր ծառայությունների միջև համակարգումն ուժեղացնելու նպատակով», - հավելել է աղբյուրը։

Աֆրիկայի հյուսիսային ափին գտնվող ինքնավար Սեուտա քաղաքի կառավարության ղեկավար Խուան Խեսուս Վիվասը լրագրողներին ասել է, որ քաղաք է ներթափանցել շուրջ 60 հազար միգրանտ։ Ճգնաժամի ֆոնին Իսպանիայի իշխանությունները որոշել են ներգրավել զինվորականներին՝ բնակավայրում անվտանգության ապահովմանն աջակցելու համար: