«25 տարվա մեր գործընկերային հարաբերությունները կամաց-կամաց սկսվում են խաթարվել»․ Արմեն Զաքարյան

«25 տարվա մեր վաստակած, շատ բարձր մակարդակի վրա գտնվող մեր գործընկերային հարաբերությունները կամաց-կամաց սկսվում են խաթարվել, քանի որ մեր գործընկերների մեջ առաջանում է մտահոգություն, որ մենք անհուսալի գործընկեր ենք, ցանկացած պահի մեր աշխատանքը կարող է խաթարվել»,- Կառավարության դիմաց բողոքի ակցիայի ժամաանկ ասաց Երևանի «Արարատ» գինու, կոնյակի և օղու կոմբինատի տնօրենի ժամանակավոր պաշտոնակատար Արմեն Զաքարյանը։
«Խաղողի մթերման ժամանակաշրջանն է մոտենում, մենք ունենք պայմանավորվածություն 2000-ից ավել խաղողագործների հետ, որոնք սպասում են, որ այս տարի ևս պետք է իրենց բերքը մթերենք։ Եթե չկարողանանք այդ գործընթացն իրականացնել՝ մարդիկ բերքի իրացման հետ խնդիր կունենան։ Բացի այդ, մեր ընկերությունը 350-400 աշխատակից ունի և չենք կարողանում պատասխանել, թե երբ են վերադառնալու աշխատանքի»,- նշեց Արմեն Զաքարյանը։

Նշենք, որ ընկերությունների ներկայացուցիչներից մի քանի հոգու ընդունեցին Կառավարությունում։