Նեթանյահուն հրաժարվել է հանդիպել Զելենսկու հետ

Իսրայելի վարչապետ Բենիամին Նեթանյահուն հրաժարվել է հանդիպել Ուկրաինայի նախագահ Վլադիմիր Զելենսկու հետ, երբ երկու քաղաքական գործիչներն էլ գտնվում էին ԱՄՆ մայրաքաղաքում, հաղորդում է Haaretz-ը՝ հղում անելով երկու իրազեկ աղբյուրների։

Ուկրաինական աղբյուրը պնդում է, որ բանակցությունների առաջարկը սկզբում եղել է Նեթանյահուի գրասենյակից։ Զելենսկու գրասենյակը հաստատել է երկխոսության պատրաստակամությունը, սակայն դրանից հետո իսրայելական կողմը դադարեցրել է շփումը։ Իսրայելի ներկայացուցիչները հետագայում պարզաբանել են, որ հանդիպումը անհնար է եղել վարչապետի գրաֆիկի պատճառով։

Միևնույն ժամանակ, Haaretz-ի մեկ այլ աղբյուր պնդում է հակառակը՝ նախաձեռնությունը եղել է ուկրաինական կողմից։ Նրա խոսքով՝ Նեթանյահուի գրասենյակը պարզապես անտեսել է հանդիպման խնդրանքը։

Հուլիսի 28-ին ԱՄՆ-ի նախագահ Դոնալդ Թրամփը բանակցություններ է վարել Վլադիմիր Զելենսկու և Բենիամին Նեթանյահուի հետ։ Սպիտակ տան ղեկավարը երկու հանդիպումներն էլ որակել է՝ որպես դրական և արդյունավետ։