«Թրամփի հետ հանդիպումը լավագույններից մեկն էր». Նեթանյահու

Իսրայելի վարչապետ Բենիամին Նեթանյահուն ԱՄՆ նախագահ Դոնալդ Թրամփի հետ Սպիտակ տանը կայացած հանդիպումն անվանել է «լավագույններից մեկը»։ Նա հայտարարել է, որ հանդիպումը հիանալի է անցել: «Եվ երբ ես ասում եմ հիանալի, դրանք պարզապես խոսքեր չեն»,- նշել է Նեթանյահուն։ «Զրույց, որը հիմնված էր լիակատար գործընկերության, փոխադարձ աջակցության, ընդհանուր նպատակի ըմբռնման վրա. ապահովել, որ Իրանը միջուկային զենք չունենա: Լավագույն զրույցներից մեկը, որ երբևէ ունեցել եմ Միացյալ Նահանգների նախագահ, մեր ընկեր Դոնալդ Թրամփի հետ»,- հանդիպումից հետո հայտարարել է Նեթանյահուն:

Նա նաև նշել է, որ զրույցը երկրների ղեկավարներին «հնարավորություն է տվել փոխանակվել գաղափարներով և համակարգել գործողությունները, որոնք կարևոր են Իսրայել պետության անվտանգության և ապագայի համար»։

Associated Press-ը՝ հղում կատարելով իսրայելական աղբյուրներին հաղորդում է, որ Նեթանյահուն Թրամփի հետ զրույցում նշել է, որ Իրանի կողմից Իսրայելի վրա հարձակման դեպքում երկիրն իրեն իրավունք է վերապահում պատասխան հարվածներ հասցնել։