«Հորմուզի նեղուցը գտնվում է ԱՄՆ-ի վերահսկողության տակ»․ Թրամփ

ԱՄՆ-ի նախագահ Դոնալդ Թրամփը հայտարարել է, որ Հորմուզի նեղուցը գտնվում է Միացյալ Նահանգների վերահսկողության տակ։

«Ծովային շրջափակումը շարունակվում է այս պահին, և նեղուցով անցնում են միայն մեր կողմից թույլատրված նավերը։ Իրանը չի վերահսկում նեղուցը, այն վերահսկում ենք մենք», — ասել է Թրամփը Fox News-ին տված հարցազրույցում։

Նա նաև հայտարարել է, որ եթե Վաշինգթոնը Թեհրանի հետ միջուկային ծրագրի շուրջ համաձայնության չգա, ապա ամերիկյան զինված ուժերը կոչնչացնեն Իրանում՝ Քոլանգ լեռան ներսում գտնվող իրանական օբյեկտը, որտեղ ենթադրաբար պահվում են միջուկային ցենտրիֆուգներ։