«Իրանը պահպանել է մարտունակությունը՝ ԱՄՆ-ի՝ 5 ամիս տևած հարվածներից հետո»․ #FT

Իրանը պահպանել է իր հրթիռային ուժերի մարտունակությունը և կարողացել է հարմարվել նոր պայմաններին՝ ԱՄՆ-ի կողմից հինգ ամիս տևած հարվածներից հետո, հաղորդում է Financial Times-ը՝ հղում կատարելով փորձագետներին։

Վերլուծաբանների խոսքով՝ իրանցի ինժեներներին հաջողվել է ռմբակոծություններից հետո արագ վերականգնել ստորգետնյա բազաները։ Կենտրոնական հետախուզական վարչության նախկին ռազմական վերլուծաբան Ջիմ Լեմսոնը կարծում է, որ Հորդանանում ամերիկյան զորանոցների վրա վերջերս իրականացված հարվածները, որոնց հետևանքով զինծառայողներ են զոհվել, վկայում են Իրանի՝ ԱՄՆ-ի և արաբական երկրների հակահրթիռային պաշտպանությունը ճեղքելու կարողության մասին։ «Նրանց հաջողվել է բարձրացնել միջին հեռահարության բալիստիկ հրթիռների՝ պաշտպանությունը ճեղքելու հնարավորությունը և մեծացնել դրանց թիրախավորման ճշգրտությունը։ ... Իրանը, հիմնվելով նախորդ հակամարտությունների փորձի վրա, իրականացնում է ինչպես տեխնիկական, այնպես էլ մարտավարական շտկումներ»,- հավելել է նա։