Ֆրանսիայում անտառային հրդեհները մոտենում են ռազմական գործարաններին

Ֆրանսիայի հարավ-արևմուտքում բռնկված հրդեհը սպառնում է Բորդոյի ռազմական գործարաններին, հաղորդում է Le Parisien-ը։ Ինչպես նշում է թերթը, հրդեհը տարածվել է Արկաշոնի ծոցի շրջակայքում, որտեղ գտնվում են Ֆրանսիայի պաշտպանական արդյունաբերության կարևոր ձեռնարկությունները, այդ թվում՝ Safran, Thales, Dassault և ArianeGroup (ներառյալ M51 բալիստիկ հրթիռի վառելիքի արտադրության գործարանը) ընկերությունների օբյեկտները։ Ֆրանսիայի պաշտպանության նախարարությունը միջոցներ է ձեռնարկել այդ օբյեկտների անվտանգությունն ապահովելու համար։