«Կիևյան օպորտունիստի գործողությունները չեն կարող անպատասխան մնալ». Արաղչի

Իրանի արտաքին գործերի նախարար Աբաս Արաղչին իր ռուս գործընկեր Սերգեյ Լավրովի հետ հեռախոսազրույցում հայտարարել է, որ Կասպից ծովում իրանական առևտրային նավի վրա Ուկրաինայի հարձակումն անպատասխան չի մնա։
Շաբաթ օրն Իրանի արտաքին գործերի նախարարությունը հայտարարել է, որ Ուկրաինան ռազմական հարձակում է իրականացրել իրանական առևտրային նավի վրա։ Հարձակման հետևանքով զոհվել է մեկ նավաստի, վիրավորվել՝ մեկ այլ նավաստի։ «Եվրոպական դիվանագիտության ղեկավար Կայա Կալասի և Ռուսաստանի արտաքին գործերի նախարար Սերգեյ Լավրովի հետ զրույցներում ես ընդգծել եմ, որ այս կիևյան օպորտունիստի գործողությունները չեն կարող անպատասխան մնալ», - գրել է Արաղչին իր X սոցիալական ցանցի էջում։
Նա ընդգծել է, որ Ուկրաինայի հարձակումը իրանական նավի վրա իրականացվել է Իսրայելի հրահրմամբ՝ Եվրոպային Իրանի հետ պատերազմի մեջ ներքաշելու նպատակով։ «Զելենսկին հարձակվել է իրանական առևտրային նավի վրա և սպանել մեկ նավաստու»,- հավելել է Արաղչին։