«Ֆինանսական նոր բեռ՝ բեռնափոխադրողների համար»․ Արշակ Սարգսյան

Երևանի ավագանու «Մայր Հայաստան» խմբակցության անդամ Արշակ Սարգսյանի ֆեյսբուքյան գրառումը․ «ԲԵՌՆԱՓՈԽԱԴՐՈՂՆԵՐԻ ՎՐԱ ՆՈՐ ՖԻՆԱՆՍԱԿԱՆ ԲԵՌ. ԿԱՌԱՎԱՐՈՒԹՅՈՒՆԸ ՆՈՐ ՎՃԱՐՈՎԻ «ԿԱՆԳԱՌ» Է ՄՏՑՆՈՒՄ.
Բագրատաշենով և Ագարակով մեկնող բեռնատարները սահմանը հատելուց առաջ այսուհետ պարտադիր պետք է մտնեն կուտակային կայանատեղիներ՝ վճարելով մինչև 5000 դրամ: Ալե-Հոպ…
Ի՞նչ է սա նշանակում.
․ Ապրանքների թանկացում. Տարեկան հազարավոր երթերի վրա սա ահռելի գումար է բիզնեսի համար:
․ Ժամանակի կորուստ. Սահմանային անցակետերի թողունակությունը մեծացնելու փոխարեն՝ արհեստական քաշքշուկ ու լրացուցիչ օղակ են ավելացնում:
․ Անհայտ շահառուներ. Ո՞ւմ գրպանն են գնալու այդ միլիոնավոր դրամները և ո՞վ է տնօրինելու այդ կայանատեղիները:
Սահմանն արագացնելու փոխարեն՝ խնդիրը լուծում են տնտեսվարողների հաշվին նոր տուրքեր դնելով»: