«Հայկական կաթնամթերքն այնքան վատն է, որ նույնիսկ Հայաստանում վաճառելն է խնդրահարույց»․ Գոռ Մադոյան
91
Այսօր, 15:42
Վերլուծաբան Գոռ Մադոյանի ֆեյսբուքյան գրառումը․ «Ռուսաստանն արգելել էր հայկական կաթնամթերքի արտահանումն իրենց մոտ: Ճիշտն ասած հայկական կաթնամթերքը այնքան վատն է, որ դա նույնիսկ Հայաստանում վաճառելն ա խնդրահարույց: Նույն բելառուսական կաթնամթերքը մի գլուխ որակյալ է: Ու անկախ պատժամիջոցներից, դրա որակն ու վերահսկումը նախևառաջ մեր ներքին խնդիրն է, հանրային առողջապահության հարց: Սա չի նշանակում, թե պատժամիջոցները հիմնավոր են, ամենևին, դրանք քաղաքական են ու հատուկ են արվում ներսում լարվածություն առաջացնելու համար: Բայց դա չի նշանակում նաև թե մենք չպետք է առերեսվենք որակի խնդրին: Առաջին անգամ Շվեդիայում մածուն, կեֆիր ու կաթնամթերք փորձելուց հետո եմ հասկացել, թե ինչ վատորակ ապրանք է արտադրվում ու վաճառվում մեզ վրա: Համատարած կաթի փոշի ու հավելումների կիրառումը ոչ միայն նորմա է Հայաստանում, այլև սննդակարգի համար անառողջ է ու վտանգավոր: Նույնը գերմանականը, լեհականը կամ նույն իտալականը: Հայաստանում ապրանքների որակն ու վերահսկումը շատ ցածր մակարդակի ու չափանիշների վրա են ու դա միայն աղքատությամբ բացատրելը համոզիչ չի, դրանք վաղուց թանկ են ու անորակ, ոչ թե էժան ու անորակ: Խոսքս ընդհանուր շուկայի մասին է, ոչ թե եզակի բացառությունների, որոնք նույնպես տարատեսակ փոշիների ու հավելումների վրա են նստած (նայեք ներկրման վիճակագրությունը): Ես վաղուց Հայաստանում չեմ կարողանում նորմալ կաթնամթերք գտնել, իսկ երբ ստիպված գնում են, գիտեմ, որ դրա որակը շատ ցածր ա: Գնի մասին էլ չեմ խոսում, Հայաստանում մեկ կիլոգրամ մածունի գնով, Շվեդիայում 1.5 կիլոգրամ մածուն էի գնում՝ որը ԲԱՑԱՌԱՊԵՍ կաթ ու մերան էր պարունակում ու ամենա-ամենա բարձրակարգն էր: Հատուկ եմ Շվեդիա նշում, որ բնակլիմայական պայմանները, աշխատանքի վարձատրության գներն ու հարկերը հաշվի առնելով հասկանաք, թե ինչ կարգի թանկ ենք մենք վճարում անորակ ապրանքի համար»:
