«Ռուբիոյի հետ հանդիպումը կկայանա վաղը»․ Լավրով

ԱՄՆ պետքարտուղար Մարկո Ռուբիոյի հետ հանդիպումը համաձայնեցված է և նախատեսված է վաղը, հայտարարել է ՌԴ ԱԳ նախարար Սերգեյ Լավրովը։ «Երեկ ընդունելության ժամանակ կարճատև հանդիպում ունեցանք Մարկո Ռուբիոյի հետ, հաստատեցինք, որ այն (հանդիպումը՝ խմբ.) կկայանա վաղը՝ օրվա առաջին կեսին։ Հուսով եմ՝ հնարավորություն կունենանք ձեզ ինչ-որ կերպ տեղեկացնելու մեր տպավորությունների մասին»,- ասել է Լավրովը՝ Ռուսաստան-ԱՍԵԱՆ նախարարական հանդիպման արդյունքներով ասուլիսի ժամանակ։

Լավրովը նաև հայտարարել է, որ Ռուբիոյից կհետաքրքրվի Ուկրաինայի հարցում ԱՄՆ-ի ներկայիս դիրքորոշման մասին: Նա վստահություն է հայտնել, որ հանդիպումն ամեն դեպքում օգտակար կլինի։