Ո՞վ է Միխայիլ Դրապատին՝ Ուկրաինայի ԶՈՒ նոր գլխավոր հրամանատարը

Ուկրաինայի զինված ուժերի նոր գլխավոր հրամանատար է նշանակվել գեներալ-մայոր Միխայիլ Դրապատին՝ փոխարինելով Ալեքսանդր Սիրսկուն։

Ի՞նչ է հայտնի Ուկրաինայի ԶՈՒ նոր գլխավոր հրամանատարի մասին

2022 թվականի փետրվարին պատերազմի մեկնարկին Դրապատին զբաղեցնում էր Ուկրաինայի ԶՈՒ Միացյալ ուժերի հրամանատարի տեղակալի պաշտոնը։ 2022 թվականի մարտին ղեկավարել է «Հարավ» օպերատիվ զորախումբը, որը կասեցրել էր ռուսական զորքերի առաջխաղացումը դեպի Կրիվոյ Ռոգ։ 2022 թվականի աշնանը ղեկավարել է «Խերսոն» զորախումբը՝ Խերսոնի մարզի աջափնյա հատվածի ազատագրման հաջող գործողության ժամանակ։ 2024 թվականի մայիսին Դրապատին գլխավորել է «Խարկով» օպերատիվ-տակտիկական զորախումբը՝ ռուսական զորքերի նոր հարձակման պայմաններում և կանգնեցրել Վովչանսկի ուղղությամբ առաջացած սպառնալիքը։ 2024 թվականի սեպտեմբերին նշանակվել է «Լուգանսկ» օպերատիվ-տակտիկական զորախմբի հրամանատար։ 2024 թվականի հոկտեմբերին Միխայիլ Դրապատին ստացել է գեներալ-մայորի զինվորական կոչում։ 2024 թվականի նոյեմբերին նախագահ Վլադիմիր Զելենսկին գեներալ-մայոր Դրապատիին նշանակել է Ուկրաինայի ԶՈՒ ցամաքային զորքերի հրամանատար։ 2025 թվականի հունիսին նա հրաժարական է տվել այդ պաշտոնից՝ ՌԴ-ի կողմից ուսումնական կենտրոններին հասցված մի քանի հարվածներից հետո։ Այնուհետ անցել է այլ պաշտոնի՝ դառնալով Միացյալ ուժերի հրամանատար։ Այդ պաշտոնում նա գտնվել է՝ մինչև ԶՈՒ նոր գլխավոր հրամանատար նշանակվելը։