ԵՄ-ն պահանջել է Կարիբյան ավազանի երկրներից դադարեցնել ներդրումային ծրագրերի միջոցով քաղաքացիություն շնորհելը

ԵՄ-ն պահանջել է, որ Կարիբյան ավազանի երկրները դադարեցնեն ներդրումային ծրագրերի միջոցով քաղաքացիություն շնորհելը։ Ըստ Washington Post-ի՝ Եվրամիությունը վերջնագիր է ներկայացրել Կարիբյան ավազանի երկրներին. դադարեցնել «անձնագրերի վաճառքը» կամ զրկվել առանց վիզայի ճանապարհորդությունից: Խոսքը հինգ երկրների մասին է. Անտիգուա և Բարբուդա, Դոմինիկան, Գրենադան, Սենթ Քիթս և Նևիսը, Սենթ Լուսիան:

Քաղաքացիության ներդրման միջոցով ծրագրերը թույլ են տալիս օտարերկրացիներին ստանալ անձնագիր՝ երկրի տնտեսությունում ներդնելով առնվազն 200,000 դոլար (անշարժ գույք գնելու կամ բյուջեին ուղղակի ներդրում կատարելու միջոցով): Այս անձնագրերը հնարավորություն են տալիս առանց վիզայի մուտք գործել ավելի քան 140 երկիր, այդ թվում՝ Եվրոպա: