Wildberries-ը աջակցություն կցուցաբերի ԱԹՍ-ների հարձակման հետևանքով զոհվածների ընտանիքներին

Wildberries-ը հայտարարել է, որ ընկերությունն աջակցություն կցուցաբերի զոհվածների հարազատներին և նրանց, ովքեր տուժել են Էլեկտրոստալի և Կոտովսկի լոգիստիկ համալիրների վրա իրականացված հարձակումներից։ Wildberries-ի ղեկավար Տատյանա Կիմը հայտնել է․ «Զոհվածների ընտանիքներն ընկերությունից կստանան 2 միլիոն ռուբլի, ծանր վիճակում գտնվող տուժածները՝ 1 միլիոն ռուբլի։ Բացի դրանից՝ մեր բոլոր գործընկերներին հուզում է փոխհատուցումների հարցն այն ապրանքի համար, որը պահվում էր մեր օբյեկտներում։

Չնայած արտակարգ իրավիճակին և կորցրած ապրանքի համար փոխհատուցելու պարտավորության բացակայությանը, մենք արդեն մշակում ենք վաճառողներին տրվելիք վճարումների ծավալներն ու ֆինանսական աջակցության այլ մեխանիզմներ»։