Հնդկաստանում առաջին անգամ մասնավոր ընկերության կողմից ուղեծրային հրթիռ է արձակվել

Հնդկական մասնավոր Skyroot Aerospace ընկերությունը հաջողությամբ ուղեծիր է դուրս բերել Vikram-1 հրթիռը՝ տեղափոխելով վեց օգտակար բեռ, այդ թվում՝ երկու արբանյակ։ «Ведомости»-ի փոխանցմամբ՝ այս մասին հայտնել է Times of India-ն։

Սա Հնդկաստանի պատմության մեջ մասնավոր ընկերության կողմից իրականացված առաջին ուղեծրային արձակումն է։ Հաջողության մասին հայտարարվելուց անմիջապես հետո վարչապետ Նարենդրա Մոդին հեռախոսազրույց է ունեցել Skyroot Aerospace-ի ղեկավարների հետ և ընդգծել, որ հրթիռի արձակումը նշանակալի քայլ է երկրի տեխնոլոգիական ինքնիշխանության ամրապնդման գործում։