Մեքսիկայի և Գվատեմալայի ափերի մոտ հզոր երկրաշարժ է տեղի ունեցել

Մեքսիկայի և Գվատեմալայի ափերի մոտ 6,8-ից 7,3 մագնիտուդով երկրաշարժ է տեղի ունեցել, հայտնում է РИА Новости-ն։

Մեքսիկայի ազգային սեյսմոլոգիական կենտրոնը հայտնել է 6,8 մագնիտուդով ստորգետնյա ցնցումների մասին, սակայն ԱՄՆ Երկրաբանական ծառայության (USGS) տվյալներով՝ երկրաշարժն ավելի հզոր է եղել՝ 7,3 մագնիտուդով։ Ցնցումներից հետո՝ Երևանի ժամանակով ժամը 18:55-ին, ԱՄՆ-ի Օվկիանոսային և մթնոլորտային հետազոտությունների ազգային վարչությունը (NOAA) ցունամիի վտանգ է հայտարարել։