«ԵՄ չափանիշներին չհամապատասխանող ապրանքը կարո՞ղ է վաճառվել ՀՀ-ում»․ լրագրողը՝ Տիգրան Պետրոսյանին

«Երբ խոսվում է, որ այս կամ այն ապրանքը ԵՄ չափանիշներին չի համապատասխանում, հասարակության մեջ ընկալում կա, որ այդ ապրանքը որակական խնդիր ունի, բայց իրացվում է այլ շուկաներում, որտեղ պահանջներն ավելի թույլ են, և Հայաստանի ներքին շուկայում»,- ասուլիսի ժամանակ դիմելով ՍԱՏՄ ղեկավար Տիգրան Պետրոսյանին՝ ասաց լրագրողը։ «Եթե կա նմանատիպ մոտեցում, դա շատ սխալ է։ Չի կարող մի մթերք, որում լաբորատոր փորձաքննության արդյունքում հայտնաբերվի վտանգավոր բան և չարտահանվի արտերկիր, բայց վաճառվի Հայաստանում։ Եթե սննդամթերքը համարվում է վտանգավոր, կասեցվում է շրջանառությունը և գնում է ոչնչացման»,- ի պատասխան նշեց Տիգրան Պետրոսյանը։