«2025թ․ մարտից հնարավորությունը կար, ինչո՞ւ չի կիրառվել»․ հարց՝ Տիգրան Պետրոսյանին

«2025թ․ մարտից ձկնամթերքը ԵՄ արտահանելու հնարավորությունը կար, ինչո՞ւ չի կիրառվել»,- դիմելով ՍԱՏՄ ղեկավար Տիգրան Պետրոսյանին՝ հարցրեց լրագրողը։ «Տարիներ շարունակ մոնիթորինգ էինք իրականացնում ձկնամթերքը, մեղրը ԵՄ երկրներ արտահանելու համար։ Այս գործընթացն այնպես չէ, որ մենք այսօր որոշեցինք և արեցինք. ԵՄ երկրներ ապրանք ներմուծելու համար իրենք ուզում են 5 տարի և ավելի մոնիթորինգ։ 5 տարիների ընթացքում տեսչական մարմնի կողմից կառավարության որոշումով իրականացվում էր մոնիթորինգային ծրագիր, և այդ ամեն ինչն ուսումնասիրելուց հետո անցյալ տարի եղավ որոշում, որ կարող են ՀՀ-ից ձուկ-ձկնամթերք ներմուծել ԵՄ երկրներ, որից հետո մենք ունեինք աշխատանքներ կատարելու»,- պարզաբանեց ՍԱՏՄ ղեկավարը։