Ֆլորիդայի ափերի մոտ անսովոր երկրաշարժ է գրանցվել

Ֆլորիդայի ափերի մոտ անսովոր երկրաշարժ է տեղի ունեցել, հայտնում է Daily Mail-ը։ ԱՄՆ Երկրաբանական ծառայությունը (USGS) գրանցել է 3,9 մագնիտուդով ստորգետնյա ցնցումներ։ Ուշագրավ է եղել այն, որ օջախը գտնվել է զրո կմ խորության վրա։ Ծառայության ներկայացուցիչը լրատվամիջոցին հայտնել է, որ նման տատանումներն ավելի շատ բնորոշ են պայթյունին, քան բնական երկրաշարժին։ Հոդվածում նշվում է, որ հավանական պատճառը եղել է ռազմական փորձարկումների ընթացքում իրականացված պայթյունը։