Ադրբեջանը, Թուրքիան և Վրաստանը աշնանը «Eternity-2026» հրամանատարաշտաբային զորավարժություններ կանցկացնեն

Ադրբեջանի, Վրաստանի և Թուրքիայի պաշտպանության նախարարությունների միջև ռազմական համագործակցության ծրագրի համաձայն՝ կայացել է «Eternity-2026» համակարգչային աջակցությամբ հրամանատարաշտաբային զորավարժությունների պլանավորման հիմնական համաժողովը։ Զորավարժությունները կանցկացվեն Ադրբեջանում։ Ինչպես հայտնում են ադրբեջանական լրատվամիջոները՝ հղում կատարելով Ադրբեջանի պաշտպանության նախարարությանը, ընթացիկ տարվա նոյեմբերին նախատեսված զորավարժություններին, երեք երկրների զինծառայողներից բացի, կմասնակցեն նաև Ադրբեջանի ռազմավարական նշանակության օբյեկտների պահպանության պետական գործակալության աշխատակիցները և «Ադրբեջանական երկաթուղիներ» ՓԲԸ-ի ներկայացուցիչները։

Նշվում է, որ զորավարժությունների ծրագիրը կազմված է մասնակից երկրների տարածքով անցնող ռազմավարական օբյեկտների և հաղորդակցության ուղիների պահպանության ու մարտավարական պաշտպանության սցենարի հիման վրա։