Բաստիլի գրավման օրվան նվիրված զորահանդեսին մասնակցել է «Կամեցողների կոալիցիա»-ի 30 երկրի ներկայացուցիչ

Փարիզում անցկացվել է Բաստիլի գրավման օրվան նվիրված ռազմական զորահանդես, հայտնում է Le Figaro թերթը։ Նշվում է, որ Ելիսեյան դաշտեր կենտրոնական պողոտայով երթով անցել է 6700 զինծառայող, իսկ զորահանդեսին մասնակցել է 98 ինքնաթիռ, 31 ուղղաթիռ և 315 միավոր ռազմական տեխնիկա։

Զորահանդեսին մասնակցել են նաև Ուկրաինային աջակցող «Կամեցողների կոալիցիայի» երկրների մոտ 500 զինվոր։ Զորահանդեսին ներկա են եղել այդ կոալիցիայի շուրջ 30 երկրների առաջնորդներ։ Հյուրերի թվում էր նաև Ուկրաինայի նախագահ Վլադիմիր Զելենսկին։