Ռադան երկարաձգել է Ուկրաինայում ռազմական դրության ժամկետը

Ուկրաինայի Գերագույն ռադան հաստատել է նախագահ Վլադիմիր Զելենսկու՝ ռազմական դրության ժամկետը երկարաձգելու մասին հրամանագիրը։ Գերագույն Ռադայի լիագումար նիստում համապատասխան օրինագծի օգտին քվեարկել է ընդհանուր առմամբ 313 պատգամավոր։ Ռազմական դրությունը երկարաձգվում է 2026 թվականի օգոստոսի 2-ի ժամը 05:30-ից 90 օրով՝ մինչև 2026 թվականի հոկտեմբերի 31-ը։

Ուկրաինայի խորհրդարանը 2022 թվականի փետրվարի 24-ից՝ Ռուսաստանի կողմից Ուկրաինայի դեմ լայնածավալ պատերազմ սկսվելու օրվանից ի վեր, արդեն 20-րդ անգամ է երկարաձգում ռազմական դրության ժամկետը։