Պեսկովը՝ Ուկրաինայի վերաբերյալ Բաքվի դիրքորոշման մասին

Ուկրաինայի վերաբերյալ Բաքվի դիրքորոշումը Մոսկվայի հետ տարաձայնությունների առարկա է, սակայն ստվեր չի գցում Ռուսաստանի և Ադրբեջանի երկկողմ հարաբերությունների վրա։ РИА Новости-ի հաղորդմամբ՝ այս մասին ասել է ՌԴ նախագահի մամուլի քարտուղար Դմիտրի Պեսկովը: «Ինչ վերաբերում է նախագահ Իլհամ Ալիևի դիրքորոշմանը, կան մի շարք պետություններ, որոնց հետ մեզ կապում են սերտ հարաբերություններ, և որոնք կիսում են այդ դիրքորոշումը։ Դիրքորոշում, որի հետ մենք կտրականապես համաձայն չենք, և այո, դա մեր տարաձայնությունների առարկան է»,- նշել է Պեսկովը։

Միաժամանակ նա հայտնել է, որ Մոսկվան առաջնորդվում է պրագմատիկ մոտեցմամբ․ «Մենք կարծում ենք, որ այս հարցը չպետք է որևէ կերպ ստվեր գցի մեր հարաբերությունների վրա»։

Ադրբեջանի նախագահ Իլհամ Ալիևը նախօրեին կոչ էր արել ուկրաինացի ժողովրդին երբեք չհամաձայնվել օկուպացիային։ Նա նաև հավելել էր, որ շարունակում է աջակցել Ուկրաինայի տարածքային ամբողջականությանը, ինքնիշխանությանը և սահմանների անձեռնմխելիությանը։