ԻՀՊԿ-ն հայտնել է Բահրեյնում ԱՄՆ ռադարների ոչնչացման մասին

Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ ոչնչացրել է Բահրեյնում տեղակայված Patriot հակաօդային պաշտպանության համակարգի ռադար, ԱՄՆ ռազմածովային ուժերի օդային վերահսկման ռադար և վաղ նախազգուշացման ռադարային համակարգ։ Այդ մասին հայտնում է Nour News-ը։

ԱՄՆ զինված ուժերի Կենտրոնական հրամանատարությունն (CENTCOM) իր հերթին հայտարարել է, որ հաջողությամբ հարվածներ է հասցրել Իրանի ռազմական օբյեկտներին։ «Հինգ ժամ տևած գործողության ընթացքում ԱՄՆ-ի ուժերը հարվածել են Իրանի տարբեր շրջաններում գտնվող ռազմական օբյեկտներին, այդ թվում՝ Բուշերում, Չաբահարում, Ջասկում, Քոնարաքում, Աբու Մուսա կղզում և Բենդեր Աբբասում»,- ասվում է հրամանատարության հայտարարության մեջ։