Լիբանանի նախագահը բանակի հրամանատարի հետ քննարկել է Իսրայելի զորքերի դուրսբերման դեպքում ձեռնարկվելիք գործողությունները

Լիբանանի հարավում տիրող իրավիճակը, այդ թվում՝ Իսրայելի շարունակվող հարվածները, դարձել են Լիբանանի նախագահ Ժոզեֆ Աունի և զինված ուժերի հրամանատար Ռոդոլֆ Հայկալի հանդիպման թեմաներից մեկը, հաղորդում է LBCI հեռուստաալիքը։

Մասնավորապես, քննարկվել է, Իսրայելի հետ կնքված շրջանակային համաձայնագրի իրականացման հետ կապված հարցերը, որի համաձայն, ինչպես սպասվում է, իսրայելական զորքերը դուրս կգան Լիբանանի հարավի մի շարք շրջաններից, իսկ նրանց փոխարեն այնտեղ կտեղակայվեն լիբանանցի զինծառայողները։

Իսրայելն ու Լիբանանը հունիսի 26-ին Վաշինգթոնում՝ ԱՄՆ-ի միջնորդությամբ, ստորագրել են շրջանակային համաձայնագիր, որի նպատակը ռազմական գործողությունների դադարեցումն է։ Համաձայնագրում նշվում է, որ «Հեզբոլլահ» շարժման զինաթափումից հետո իսրայելական զորքերը դուրս կգան Լիբանանի հարավում իրենց ստեղծած անվտանգության գոտուց։

Ավելի վաղ The Times of Israel-ը հաղորդել էր, որ առաջիկա օրերին Իսրայելն ԱՄՆ-ի միջնորդությամբ նախատեսում է անվտանգության գոտու մի մասը փոխանցել Բեյրութի վերահսկողությանը։