Զելենսկին շնորհակալություն է հայտնել Ադրբեջանին

Ուկրաինայի նախագահ Վլադիմիր Զելենսկին շնորհակալություն է հայտնել Ադրբեջանին աջակցության համար։ Այս մասին նա ասել է երեքշաբթի՝ հուլիսի 7-ին, Անկարայում ՆԱՏՕ-ի գագաթնաժողովի ժամանակ Պաշտպանական արդյունաբերության ֆորումում ելույթ ունենալիս։
«Ես ուզում եմ շնորհակալություն հայտնել երկրի յուրաքանչյուր ղեկավարի, յուրաքանչյուր ընկերության, որը համագործակցում է Ուկրաինայի հետ պաշտպանության ոլորտում։ Եվրոպական Միությունը, Թուրքիան, ՆԱՏՕ-ի երկրները, ինչպես նաև այնպիսի երկրներ, ինչպիսիք են Ադրբեջանը և Պարսից ծոցի երկրները, մեր ուժեղ գործընկերներն են, և ես հույս ունեմ, որ մեր համագործակցությունը մեր երկրներին կապահովի հուսալի պաշտպանություն սպառնալիքներից», - ասել է Զելենսկին։

Ապրիլի 25-ին Գաբալայում Ադրբեջանի և Ուկրաինայի նախագահներ Իլհամ Ալիևը և Վլադիմիր Զելենսկին քննարկել են ռազմաարդյունաբերական համալիրում համագործակցության զարգացումը։ Կողմերը նշել են համատեղ արտադրության զգալի ներուժը, ինչպես պաշտպանական արդյունաբերության, այնպես էլ արդյունաբերական ոլորտում։ Բացի այդ, նրանք քննարկել են անօդաչու թռչող սարքերի դեմ պայքարի համակարգերի մշակման և այս ոլորտում փորձի փոխանակման հնարավոր համագործակցությունը։