«Բուքինգհեմյան պալատը թույլ չի տվել արքայազն Հարրիին մնալ թագավորական նստավայրում»․ #Telegraph

Բուքինգհեմյան պալատը հրաժարվել է թույլ տալ արքայազն Հարրիին մնալ թագավորական նստավայրում Մեծ Բրիտանիա այցի ընթացքում, հաղորդում է Telegraph-ը՝ հղում կատարելով իր աղբյուրներին։ Ըստ թերթի՝ արքայազնին ավելի վաղ առաջարկվել էր այցի ընթացքում մնալ թագավորական նստավայրում, սակայն առաջարկը հետագայում հետ է կանչվել։ Պալատի աղբյուրը նշել է, որ դա պայմանավորված է Հարրիի ուշացած արձագանքով։ Լրատվամիջոցը պնդում է, որ որոշումը համաձայնեցվել է Չարլզ 3-րդ թագավորի հետ։ Նշվում է, որ թագավորին նաև մտահոգում է արքայազն Հարրիի՝ Daily Mail թերթի դեմ զրպարտության վերաբերյալ հայցով սպասվող դատական որոշումը։ Դատարանի վճիռը կհրապարակվի երեքշաբթի։ Պալատում մտավախություն ունեն, որ եթե այդ ընթացքում Հարրին բնակվի թագավորական նստավայրում, դատարանի որոշումը կարող է անհարմար դրության մեջ դնել Չարլզ 3-րդին։

Ավելի վաղ հաղորդվել էր, որ արքայազնը 10 ամսվա ընթացքում առաջին անգամ հուլիսի 7-11-ը կայցելի Մեծ Բրիտանիա: Հարրին նաև պատրաստվում էր չորս տարվա ընթացքում առաջին անգամ երկիր բերել իր ընտանիքին, սակայն նրանց ժամանումը կասկածի տակ է դրվել, երբ բրիտանական իշխանությունները հրաժարվել են նրանց թիկնազոր տրամադրել:

Նշենք, որ արքայազն Հարրին ընտանիքի հետ բնակվում է ԱՄՆ-ում։