«Իսրայելը մտադիր է հրաժարվել ԱՄՆ-ի ֆինանսական օգնությունից»․ Նեթանյահու

Իսրայելի վարչապետ Բենյամին Նեթանյահուն հայտարարել է, որ մտադիր է հրաժարվել ԱՄՆ-ի կողմից տրամադրվող ֆինանսական օգնությունից։ Այս մասին հայտնում է News 18-ը։

«Ես ուզում եմ դադարեցնել ամերիկյան օգնությունը։ Դա նման է նպաստի, ես դա չեմ ուզում», — ասել է նա։ Նեթանյահուն պարզաբանել է, որ Իսրայելի տնտեսությունն «այլևս փոքր տնտեսություն չէ»։ Նրա խոսքով՝ երկիրը կարող է ինքնուրույն ֆինանսավորել ՀՆԱ-ի այն մասնաբաժինը, որը ստանում է Միացյալ Նահանգներից։ «Ես ուզում եմ, որ այս գործընթացը սկսվի այս տարի», — հավելել է նա։

Բացի այդ, Բենյամին Նեթանյահուն միաժամանակ մի քանի հայտարարություններ է արել տարածաշրջանային անվտանգության վերաբերյալ։ Նա դեմ է արտահայտվել պաղեստինյան պետության ստեղծմանը։ Մեկնաբանելով Իսրայելի ռազմական գործողությունները Իրանի դեմ՝ Նեթանյահուն հայտարարել է. «Մենք երկու անգամ ներխուժել ենք Իրան՝ ոչնչացումից խուսափելու համար։ Եթե անհրաժեշտ լինի, կլինի նաև երրորդ անգամ»։ Բացի այդ, վարչապետը հայտնել է, որ իսրայելական զորքերը կմնան Լիբանանում այնքան ժամանակ, քանի դեռ «Հեզբոլլահը» կհամարեն սպառնալիք։