Փենթագոնը մոտ երկու հազար զինծառայող է ներգրավել Վենեսուելային օգնություն ցուցաբերելու համար

Փենթագոնը մոտ երկու հազար զինծառայող է ներգրավել՝ երկրաշարժերից տուժած Վենեսուելային օգնություն ցուցաբերելու համար, հայտնել է ԱՄՆ զինված ուժերի Հարավային հրամանատարության ղեկավար, գեներալ Ֆրենսիս Դոնովանը։

«Այս պահին ԱՄՆ պատերազմի նախարարությունը Վենեսուելայի շուրջ՝ ցամաքում, օդում և ծովում, ունի մոտ երկու հազար մարդ։ Նրանք ամեն օր անխոնջ աշխատում են՝ աջակցելով որոնողափրկարարական աշխատանքներին, ապահովում անհրաժեշտ պարագաների մատակարարումները», — հայտարարել է Դոնովանը ճեպազրույցի ընթացքում։

Գեներալը կրկին շեշտել է. որ ամերիկացի զինծառայողները կօգնեն Վենեսուելային այնքան ժամանակ, քանի դեռ «աշխատանքն ավարտին չի հասցվել»:

Վենեսուելայի իշխանությունների վերջին տվյալներով՝ հունիսի 24-ին տեղի ունեցած երկու երկրաշարժերի հետևանքով զոհվել է 2295 մարդ, ավելի քան 11,2 հազար մարդ ստացել է տարբեր աստիճանի վնասվածքներ։ Փլատակների տակից հաջողվել է փրկել 6461 մարդու։ Ժամանակավոր կացարաններում շարունակում են ապաստանել մոտ 30 հազար տուժածներ։