«Ռուսաստանը պատրաստվում է նոր զանգվածային հարված հասցնել Ուկրաինային». Զելենսկի

Ուկրաինայի նախագահ Վլադիմիր Զելենսկին զգուշացրել է երկրի բնակիչներին, որ ռուսական զորքերը կարող են հինգշաբթի գիշերը ևս մեկ զանգվածային հարձակում սկսել։ Նա ասել է, որ այս տեղեկատվությունն ստացել է ուկրաինական հետախուզությունից։

«Այսօր ես խնդրում եմ մեր ժողովրդին Ուկրաինայում հատկապես զգույշ լինել՝ պաշտպանել իրենց, իրենց ընտանիքներին, իրենց երեխաներին, ապաստան գտնել և լսել օդային հարձակման ազդանշանները։ Մենք գիտենք, որ Պուտինը որոշ ժամանակ է՝ պատրաստվում է զանգվածային հարձակում Ուկրաինայի վրա։ Այսօր երեկոյան հենց այդպիսի սպառնալիք է», - գրել է նա սոցիալական ցանցերում։

«Ռուսաստանի ղեկավարը կտրականապես հրաժարվում է դադարեցնել պատերազմը։ Եվ չնայած մենք արդեն բոլոր հնարավոր պաշտոնական և ոչ պաշտոնական ուղիներով՝ իրեն մոտ մարդկանց միջոցով, նրան փոխանցել ենք, որ պատերազմը կարող է և պետք է ավարտվի, և որ մենք՝ Ուկրաինայում, պատրաստ ենք հանդիպումների, իմաստալից բանակցությունների, նա տեսնում է միայն հետագա ագրեսիա Ուկրաինայի, մյուս հարևանների և ամբողջ Եվրոպայի դեմ», - հավելել է Զելենսկին։