ՈՒԵՖԱ-ն տուգանել է «Ֆեներբահչե»-ին 7 միլիոն եվրոյով

ՈՒԵՖԱ-ն տուգանել է «Ֆեներբահչե»-ին ֆինանսական կանոնակարգերը խախտելու համար։

Ստամբուլի ակումբը տուգանվել է 7 միլիոն եվրոյով։ Պատճառն այն է, որ ակումբի 2025 թվականի կազմի ծախսերը գերազանցել են ՈՒԵՖԱ-ի սահմանաչափը։

«Ֆեներբահչե»-ն, ըստ որոշ տեղեկությունների, խախտել է ՈՒԵՖԱ-ի ծախսերի կանոնը՝ ներկայացնելով 2025 թվականի օրացուցային տարվա համար կազմի ծախսերի հարաբերակցություն, որը գերազանցում էր ՈՒԵՖԱ-ի կողմից սահմանված 70 տոկոս սահմանաչափը։

Նշենք, որ ՈՒԵՖԱ-ի ֆինանսական կայունության կանոնների համաձայն՝ ակումբների կազմի ծախսերի և եկամուտների հարաբերակցությունը չպետք է գերազանցի սահմանված սահմանաչափը։

2025 թվականի համար այս սահմանաչափը կազմում է 70 տոկոս։