Լիոնել Մեսսին նկարահանվել է «Սարդ-մարդ» նոր ֆիլմի գովազդային տեսահոլովակում

Արգենտինայի հավաքականի ավագ Լիոնել Մեսսին նկարահանվել է Sony Pictures-ի նոր՝ «Սարդ-մարդ. նոր օր» ֆիլմի գովազդային տեսահոլովակում։ Տեսանյութը հրապարակվել է ստուդիայի X սոցիալական ցանցի էջում:

Տեսանյութում պատկերված է, թե ինչպես է Մեսսին մտնում Նյու Յորքի խանութ, որտեղ հանդիպում է Փիթեր Փարքերին (մարմնավորում է բրիտանացի դերասան Թոմ Հոլանդը)։ Ֆուտբոլիստին տեսնելով՝ Փարքերը զարմացած ընկնում է գետնին, ապա հարցնում, թե ինչ է նա անում այնտեղ։ Մեսսին ցույց է տալիս իր հեռախոսի հավելվածը և պատասխանում, որ փնտրում է Սարդ-մարդուն։ Փարքերը զգուշորեն հագնում է սուպերհերոսի զգեստ և հարցնում, թե արդյոք Մեսսին վախենում է բարձրությունից։

Արգենտինացին, ով տեսանյութի ընթացքում խոսում է միայն իսպաներեն, չի հասկանում հարցը, և հաջորդ կադրում նա թռչում է Նյու Յորքի վրայով Սարդ-մարդու հետ։

«Սարդ-մարդ. նոր օր» ֆիլմի համաշխարհային պրեմիերան նախատեսված է հուլիսի 29-ին։

2026 թվականի Աշխարհի առաջնությունում Մեսսին գլխավորում է մրցաշարի գոլերի ցանկը՝ 6 գոլով։ Արգենտինան հուլիսի 3-ին Մայամիում 1/16 եզրափակչում կմրցի Կաբո Վերդեի հետ։