«Իրանը կկատարի համաձայնագրով ստանձնած իր պարտավորությունները, եթե ԱՄՆ-ն կատարի իրենը»․ Փեզեշքիան

Իրանի նախագահ Մասուդ Փեզեշքիանը հայտարարել է, որ Թեհրանը կկատարի ԱՄՆ-ի հետ համաձայնագրով ստանձնած պարտավորությունները, եթե Վաշինգթոնը կատարի իր պարտավորությունները:

«Փոխըմբռնումը երկկողմանի փողոց է։ Եթե ամերիկյան կողմը հավատարիմ մնա համաձայնագրին, մենք նույնպես կկատարենք մեր պարտավորությունները։ Մեր մոտեցումը անխոհեմ ուժի ցուցադրման և անհիմն սպառնալիքների նկատմամբ այն է, որ որոշումներ կայացնելիս հիմնվենք բանականության և մարդկային արժանապատվության վրա, իսկ երբ գա գործելու ժամանակը՝ պաշտպանվել վճռականորեն և անվախորեն»,- նրա խոսքերը մեջբերում է Press TV-ն։

Այս դիտարկումները հնչում են այն ժամանակ, երբ երկու կողմերն էլ աշխատում են Պակիստանի և Կատարի միջնորդությամբ կնքված փոխըմբռնման հուշագրի իրականացման ուղղությամբ, որը նպատակ ունի վերջ դնել հակամարտությանը և նվազեցնել տարածաշրջանային լարվածությունը։