Իրանն ու Օմանը անցկացրել են Հորմուզի նեղուցի հարցերով հանձնաժողովի առաջին նիստը
 Մասկատում տեղի է ունեցել Հորմուզի նեղուցի հարցերով Իրան-Օման համատեղ հանձնաժողովի առաջին նիստը, հայտարարել է Իրանի փոխարտգործնախարար Քազեմ Ղարիբաբադին։ «Նեղուցին վերաբերող ընթացիկ հարցերի քննարկման ընթացքում մենք կարծիքներ փոխանակեցինք նեղուցի ապագա կառավարման վերաբերյալ՝ համաձայն Իսլամաբադի փոխըմբռնման հուշագրի 5-րդ հոդվածի և ափամերձ պետությունների ինքնիշխան իրավունքների»,- գրել է նա X սոցիալական էջում։ Իրան-ԱՄՆ հուշագրի հինգերորդ կետի համաձայն՝ Իրանը և Օմանը բանակցություններ կվարեն Հորմուզի նեղուցի ապագա կառավարման և դրան առնչվող ծովային ծառայությունների մատուցման հարցերի շուրջ, երկխոսության մեջ կներառվեն նաև Պարսից ծոցի այլ երկրներ։ Իրանի իշխանություններն ավելի վաղ հայտնել էին Հորմուզի նեղուցում նոր իրավական կարգի մշակման մասին՝ շեշտելով, որ այդ գործընթացը իրականացվում է մյուս ափամերձ պետության՝ Օմանի հետ համակարգմամբ։ Իրանի ԱԳ նախարար Աբբաս Արաղչին հայտարարել էր, որ Հորմուզի նեղուցը տարիներ շարունակ բաց է եղել նավերի ազատ անցման համար, սակայն ԱՄՆ-ի և Իսրայելի կողմից Իրանի վրա հարձակումից հետո նեղուցի իրավիճակն այլևս երբեք նույնը չի լինելու։ |
«Որևէ տարածքի նկատմամբ փաստացի վերահսկողությունը չի կարող փոխել այնտեղ գտնվող մշակութային ժառանգության ազգային, պատմական ինքնությունը». ԱԺԲ
3502:06
Զելենսկին պատժամիջոցներ է սահմանել իր նախկին մամուլի քարտուղար Յուլիա Մենդելի նկատմամբ
9300:18
«Իրանը Օմանում կայանալիք հանդիպման ժամանակ կներկայացնի Հորմուզի նեղուցով անցնող նոր երթուղի». Արաղչի
122Երեկ, 21:18
«Թրամփը մեծացնում է Կոնգրեսի ընտրություններում ընտրողների մասնակցության մակարդակը». #CBS
144Երեկ, 20:18
«Թրամփը դա քննարկել է հենց Պուտինի հետ՝ Ուիտկոֆֆի ու Քուշների միջոցով». Հակոբ Բադալյան
124Երեկ, 19:06
«Զելենսկին պետք է դադարեցնի Ռուսաստանում դիզելային վառելիքի արտադրության վրա հարձակումները». Թրամփ
163Երեկ, 18:18