«Երևանի կողմից Մոսկվայի հետ հարաբերությունների խզումը կհանգեցնի ծանր հետևանքների հայերի համար». Մեդվեդև

Երևանի կողմից Մոսկվայի հետ հարաբերությունների խզումը կհանգեցնի ծանր հետևանքների հայերի համար, և Եվրամիությունը բացարձակապես հետաքրքրված չէ դրանով, հայտարարել է «Միացյալ Ռուսաստան» կուսակցության նախագահ և Ռուսաստանի Անվտանգության խորհրդի փոխնախագահ Դմիտրի Մեդվեդևը։

«ԵՄ երկրները բացարձակապես հետաքրքրված չեն տասնամյակների ընթացքում կառուցված կապերի խզման հետևանքով շարքային քաղաքացիների համար անխուսափելի ծանր հետևանքներով», - ասել է Մեդվեդևը։

«Ափսոս, որ ներկայիս իշխանությունների քաղաքական ամբիցիաները ավելի բարձր են, քան իրենց ղեկավարած երկրի ազգային շահերը», - հավելել է Մեդվեդևը։