Երևան`   +18 °C
Այսօր`   Երկուշաբթի, 07 սեպտեմբերի, 2026 թ.

«ԵՄ-ն կշարունակի աջակցել Ադրբեջանի և Հայաստանի միջև խաղաղության գործընթացին»․ Մագդալենա Գրոնո

962
Ուրբաթ, 26 հունիսի, 2026 թ., 13:21
«ԵՄ-ն կշարունակի աջակցել Ադրբեջանի և Հայաստանի միջև խաղաղության գործընթացին»․ Մագդալենա Գրոնո

ԵՄ-ն կշարունակի աջակցել Ադրբեջանի և Հայաստանի միջև խաղաղության գործընթացին։ Այս մասին X սոցիալական ցանցի իր էջում գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն՝ ամփոփելով Ադրբեջանի պաշտոնյաների հետ բանակցությունների արդյունքները։

«Մեր քննարկումները նվիրված էին տարածաշրջանային գործընթացներին, Եվրոպական միության և Ադրբեջանի միջև հարաբերություններին, տրանսպորտային և լոգիստիկ հնարավորություններին, Ադրբեջանի և Հայաստանի միջև խաղաղ գործընթացին, ինչպես նաև Ադրբեջանում և Հայաստանում Եվրոպական միության առաջիկա բարձր մակարդակի շփումներին ընդառաջ հարցերին:

Մենք համաձայնեցինք, որ կարևոր է պահպանել դրական դինամիկան, որը ձևավորվել է երկու երկրների միջև կայուն խաղաղության ճանապարհին գրանցված պատմական ձեռքբերումների շնորհիվ։ ԵՄ-ն կշարունակի աջակցել այդ գործընթացին»,- նշել է Գրոնոն։