«Աէրոֆլոտ» ընկերությանը MC-21 ինքնաթիռների մատակարարման պայմանագիրը հաստատվել է

«Աէրոֆլոտ» ընկերությանը 90 MS-21 ինքնաթիռ մատակարարելու պայմանագիրը հաստատվել է բոլոր տեխնիկական և իրավաբանական բաժինների կողմից: Այժմ սպասվում է ֆինանսավորման վերաբերյալ որոշուման ստորագրումը, ասել է Միացյալ ավիաշինարարական կորպորացիայի (UAC, Ռոստեխի մաս) ղեկավար Վադիմ Բադեխան:
«Երկրորդ խմբաքանակի համար պայմանագիրը հաստատվել է բոլոր տեխնիկական և իրավաբանական բաժինների կողմից, և մենք սպասում ենք ֆինանսավորման վերաբերյալ որոշմանը: Կարծում եմ՝ պայմանագիրը շատ շուտով կստորագրվի», - լրագրողներին ասել է Բադեխան:
MS-21-ը միջին հեռավորության նեղ մարմնով ինքնաթիռ է, որը մշակվել է «Յակովլև» կորպորացիայի կողմից (UAC, Ռոստեխի մաս): Այս նոր սերնդի ինքնաթիռի տարողունակությունը տատանվում է 163-ից մինչև 211 ուղևորի սահմաններում: Ռուսաստանի առաջին փոխվարչապետ Դենիս Մանտուրովը նշել է, որ MS-21-ի հավաստագրումը սպասվում է 2027 թվականին: