«Եղած շուկաներում դիրքեր քանդելը ոչ մի ընդհանուր կապ չունի նոր շուկա գտնելու հետ»․ Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Նոր շուկաներ գտնելը միշտ էլ օգտակար է, անհրաժեշտ է, ու պետք է լինի թե բիզնեսի, թե պետության առաջնահերթություններից:
Բայց եղած շուկաներում դիրքեր քանդելը ոչ մի ընդհանուր կապ չունի նոր շուկա գտնելու հետ, ինչպես փորձ է արվում մատուցել:
Ընդ որում, եղած շուկաներում դիրքեր քանդել կարելի է օրերի ու շաբաթների ընթացքում, իսկ նոր շուկաներ ու դիրքեր գտնելը՝ տարիների եւ անգամ տասնամյակների աշխատանք է, այն էլ նախնական կայուն արդյունք ստանալու համար, ընդ որում՝ ամենեւին չերաշխավորված:
Այսօր պարզապես երաշխավորված քանդվում է Հայաստանի տնտեսություն՝ ինքնիշխանության ու անկախության մասին պաթետիկ ճառերի ներքո»: