«Իրանական ապասառեցված ակտիվները կուղղվեն ԱՄՆ-ից գյուղմթերք և դեղորայք գնելուն»․ Թրամփ

ԱՄՆ-ի նախագահ Դոնալդ Թրամփը հայտարարել է, որ իրանական ապասառեցված ակտիվները կուղղվեն բացառապես ԱՄՆ-ից գյուղմթերք և դեղորայք գնելուն:

«ԱՄՆ-ի ֆինանսների նախարարության կողմից ազատվող միջոցները և/կամ պատժամիջոցների շրջանակում ստացված միջոցները կփոխանցվեն ԱՄՆ-ի վերահսկողության տակ գտնվող էսքրոու հաշվին (արժեթղթերի պայմանական պահպանում երրորդ անձի մոտ – խմբ․) և կօգտագործվեն բացառապես ԱՄՆ-ից սննդամթերքի և դեղամիջոցների գնման համար, այդ թվում՝ եգիպտացորեն, ցորեն և սոյա։ Սա այն է, ինչ Իրանին անհրաժեշտ է։ Սա մարդասիրական ճգնաժամ է, և ես կարծում եմ, որ անհրաժեշտ է օգնել հիմա, քանի դեռ ուշ չէ։ Բանակցությունները լավ են ընթանում», - գրել է նա Truth Social-ում։